मायाँ!

मायाँ,
मस्त झुम्दै एक अर्कामा भुलेका प्रेमजोडी देखी
खेतमा झुलेका धानवाला सम्म।
म देख्छु मायाँ,
हरियो राहदानीमा
उजाड राजधानिमा
जहाँ हरेक दिन भोक-शोक
आफु र आफ्नाको मायाँले भौतारिन्छन मान्छे।
भरियाको भारिमा
किसानको खेत-बारिमा
पनि मायाँ छ।
डक्टरलाई रोगको
रोगिलाई डक्टरको
मायाँ त झन् कती हो कती।
बिहान पाक्ने भात, साँझ खाने कुचो
स्वास्निको किचकिच
र लोग्नेको झर्काइमा पनि मायाँ छ।

बिहान बिहानै चियाको कप सँगको चुम्बन
पत्रीका सँगको समिप्यता
खोक्रो राष्ट्रबाद, गफगाफ
झोले प्रश्न-जबाफ
रबाफ
सबैमा मायाँ छ।
पहाडमा गुराँस फुल्नु
तराइमा गुल्मोहर फुल्नु
हिमालमा हिउँ पर्नु
कर्णाली कलकल बग्नु
र
बागमती फोहोर हुनु
यसमा नि मायाँ छ। ;)