जन्मेदेखी हजारौँ पल्ट मरेको
अम्मरेले,
बर्षै पिच्छे हाँसी हाँसी जन्मदिन मनाँउछ।
जसरि उ निभेको छ आफैभित्र,
निभाउँछ केही थान क्यान्डिल।
जसरि काट्छ केक,
शायद उसैगरी रेटिन्छ होला उ पनि,
आफ्नाहरुलाई खुशी चखाउँदा।
बदलामा,
सफलताका भरपुर शुभकामना पाँउछ
तर अफसोस,
उसले फेर्ने प्रत्येक श्वाशमा असफलता गनाउँछ।
पटक्कै नसुहाएको हाँसो
मुखमा लिन्छ,
धन्यबाद दिन्छ!
अनी फेरी लम्किन्छ, जिन्दगी सँगको युद्धमा।
